Ko'rgazma yangiliklari

O‘zbekistonda avtomobilga xizmat ko‘rsatish sohasining rivojlanishi va Automechanika Tashkent ko‘rgazmasining strategik o‘rni.

O‘zbekistonda avtomobillarga xizmat ko‘rsatish va ta’mirlash bozorining hajmi izchil o‘sishda davom etmoqda va u mamlakat avtomobil sanoatining muhim tayanch yo‘nalishlaridan biriga aylanmoqda. Avtotransport vositalari sonining oshishi, mintaqaviy infratuzilmaning rivojlanishi hamda aholining sifat va ishonchlilikka bo‘lgan talabining ortishi zamonaviy servis yechimlari, ta’mirlash xizmati va ehtiyot qismlar bilan barqaror ta’minotga ehtiyojni kuchaytirmoqda.

O‘zbekiston Respublikasi Prezidenti huzuridagi Statistika agentligi ma’lumotlariga ko‘ra, 2025-yilning yanvar–may oylarida avtomobillarga texnik xizmat ko‘rsatish, ta’mirlash va mototsikllarni ta’mirlash xizmatlari hajmi 10,6 trln so‘mni tashkil etgan. Ushbu ko‘rsatkich ushbu yo‘nalishning ichki xizmatlar bozoridagi strategik ahamiyatini yaqqol tasdiqlaydi hamda xizmat ko‘rsatish infratuzilmasini kengaytirish va zamonaviylashtirish bo‘yicha investitsiyalarni dolzarb etadi.

Quyidagi hududlarda xizmat ko‘rsatish hajmi eng yuqori darajada qayd etilgan:

Toshkent shahri – 3,63 trln so‘m

Jizzax viloyati – 895 mlrd so‘m

Samarqand viloyati – 779,7 mlrd so‘m

Farg‘ona viloyati – 771,8 mlrd so‘m

Namangan viloyati – 679,2 mlrd so‘m

Toshkent viloyati – 646 mlrd so‘m

Mazkur dinamika faqatgina avtotransport vositalari zichligining iqtisodiy faolligi yuqori hududlarda to‘planayotganini emas, balki texnik xizmat ko‘rsatish markazlarini modernizatsiya qilish, raqamli echimlarni joriy etish va ehtiyot qismlar bilan doimiy ta’minotni yo‘lga qo‘yishga ehtiyoj kuchayayotganini ham ko‘rsatadi.

Shu nuqtai nazardan, Automechanika Tashkent – O‘zbekiston va butun Markaziy Osiyo bo‘yicha yetakchi xalqaro maydon bo‘lib, u avtomobil ehtiyot qismlari ishlab chiqaruvchilari, servis uskunalari yetkazib beruvchilari, distribyutorlar va avtomobil xizmatlari sohasi mutaxassislarini birlashtiradi.

Automechanika Tashkent ko‘rgazmasining sohaga strategik ta’siri:
🔧 Diagnostika, ta’mirlash, avto yuvish, tyooning, moylash materiallari va sarf materiallari kabi xizmatlar segmentida professional ko‘nikmalar va texnologik echimlarni rivojlantirishga xizmat qiladi;

🌐 O‘zbekistondagi tez sur’atda o‘sayotgan bozorga chiqish uchun xalqaro ishlab chiqaruvchilar va distribyutorlar uchun yangi eksport-import imkoniyatlarini ochadi;

🤝 Dilerlik shartnomalari, servis hamkorliklari va ta’minot zanjirlarini kengaytirish uchun samarali B2B platforma sifatida xizmat qiladi;

💡 DMS tizimlari, CRM platformalari va servis buyurtmalarini boshqarish bo‘yicha onlayn xizmatlar kabi raqamli vositalarni joriy etishni rag‘batlantiradi.

Avtomobillashuvning ortib borayotgan sharoitida, avtoparkni yangilash va xizmat infratuzilmasini modernizatsiya qilish zaruratlari fonida, Automechanika Tashkent avtomobilga xizmat ko‘rsatish sohasining transformatsiyasida markaziy o‘rin tutadi va O‘zbekistonda barqaror, professional servis ekotizimini shakllantirishga xizmat qiladi.
2025-08-01 13:11