Automechanika Tashkent va O‘zavtosanoat: Strategik hamkorlik va mahalliylashtirish istiqbollari

Avtomobilsozlik tarmog‘ining rivojlanishi bozorni chuqur anglashdan boshlanadi.

O‘tgan haftada Automechanika Tashkent jamoasi O‘zbekiston avtomobil sanoatining asosiy ishtirokchilaridan biri — "O‘zavtosanoat" jamoasi bilan ishchi uchrashuv o‘tkazdi.

O‘zbekiston nafaqat kuchli aftermarket (sotuvdan keyingi xizmat ko‘rsatish) segmenti, balki OEM ishlab chiqarish markazi sifatida ham tanilgan. Bugungi kunda mamlakatda yengil va tijorat modellaridan tortib, elektr transportigacha bo‘lgan avtomobillarni ishlab chiqarish va yig‘ish bo‘yicha 5 dan ortiq korxona faoliyat yuritmoqda.

Biz Automechanika Tashkent kabi haqiqatdan ham samarali tarmoq ko‘rgazmalarini yaratishga intilamiz va bozorga qaysi yechimlar hamda texnologiyalar haqiqatda kerakligini bilish qanchalik muhimligini tushunamiz.

Uchrashuv davomida quyidagilar muhokama qilindi:

— sohani rivojlantirishning strategik yo‘nalishlari;
— xaridlar ustuvorligi;
— eng istiqbolli tovar toifalari;
— mahalliylashtirish va hamkorlik uchun qiziqish uyg‘otadigan aniq brendlar.

Kuchli ko‘rgazma — bu shunchaki stendlar soni emas.
Bu — sanoat ehtiyojlariga to‘liq mos kelish demakdir.

Automechanika Tashkentda biz aynan shu yondashuvni qo‘llaymiz — global yetkazib beruvchilarni O‘zbekistonning real sanoat talabi bilan bog‘laydigan platforma yaratamiz.